Mbas ndryshimeve demokratike të fillimit të viteve '90 dhe me marrjen e statusit të komunës (1992) dhe të bashkisë (1996), qyteti i Manez dhe 11 fshatrat e përfshira, në fillim në komunën e Manez dhe më pas në bashkinë Manez ka pasur zhvillimet e veta si njësi vendore administrative. Janë bërë katër herë zgjedhje pluraliste për pushtetin vendor (zgjedhje të radhës) dhe gjatë këtij viti (2006) do të bëhen zgjedhjet e pesta. Zgjedhjet e para (1992) ishin për pushtetin vendor të komunës (që ishte statusi i atëhershëm), ndërsa të tria zgjedhjet pasuese (1996, 2000, 2003) ishin për pushtetin vendor të bashkisë (statusi i fituar para zgjedhjeve të vitit 1996). Në zgjedhjet e para pluraliste vendore (legjislatura e parë) Kryetar i Komunës u zgjodh zoti ............., përfaqësues i subjektit politik Partia ......................

Detyrat dhe funksionet e Këshillit të Bashkisë


Përbërja, krijimi, mënyra e organizimit, kompetencat dhe detyrat e këshillit bashkiak rregullohen me ligjin nr. 8652, datë 31.07.2000, “Për Organizimin dhe Funksionimin e Qeverisjes Vendore“ me Nenet 23, 24, 25, 26, 27, 28, 29, 30, 31, 32, 33, 34, 35, 36, 37, 38; si dhe me ligjin nr. 9208, datë 18.03.2004, “Për disa shtesa dhe ndryshime ne ligjin nr. 8652, datë 31.07.2000, “Për Organizimin dhe Funksionimin e Qeverisjes Vendore“

Këshilli i Bashkisë Manëz

Këshilli i Bashkisë zgjidhet për një periudhë tre vjeçare dhe përbëhet nga 17 anëtarë. Mbledhjen e tij të parë Këshilli i Bashkisë e zhvillon jo më vonë se 20 ditë nga shpallja e rezultatit të zgjedhjes nga Komisioni Qendror i Zgjedhjeve. Mbledhja e parë e këshillit thirret nga sekretari i këshillit të bashkisë. Në mungesë të tij, nismën për thirrjen e mbledhjes së parë e merr prefekti. Mbledhja e parë e këshillit, deri në zgjedhjen e kryetarit të tij, drejtohet nga këshilltari më i vjetër në moshë dhe është e vlefshme kur në të marrin pjesë më shumë se gjysma e anëtarëve të tij, të shpallur nga komisioni i zgjedhjeve për qeverisjen vendore.
Në mbledhjen e parë të këshillit të bashkisë:

* zgjidhet komisioni i mandateve;
* miratohen mandatet e anëtarëve të këshillit;
* këshilltarët bëjnë betimin;
* zgjidhet kryetari dhe zëvendëskryetari i këshillit;
* zgjidhen anëtarët që do të përfaqësojnë këshillin komunal ose bashkiak në këshillin e qarkut dhe pajisen ata me mandatin e përfaqësimit.


Mbledhjet e këshillit janë të hapura për publikun. Çdo qytetar lejohet të ndjekë mbledhjet e këshillit, sipas mënyrës së përcaktuar në rregulloren e këshillit. Këshilli, me shumicën e votave të numrit të përgjithshëm të anëtarëve, vendos për rastet kur mbledhja bëhet e mbyllur. Votimi në këshill bëhet i hapur ose i fshehtë. Këshilli vendos për rastet kur votimi bëhet i fshehtë. Aktet me karakter individual miratohen kurdoherë me votim të fshehtë.